Ou…”Na rede ningúen sabe que eres un can”… Dun tempo a esta parte nalgúns foros, proxectos, listas e faladoiros “leo” unha certa desinhibición na participación na rede… e que leva a que persoas aparentemente morais se convirtan en auténticos imbéciles socialmente inaceptables nestas entornas. O “Flaming” non é novo, aínda que sí o é a total desinhibición de exibirse auténtico con salidas de tono e argumentos dicotómicos setenteiros e sentirse libre sen impunidade. Coido que é un problema crecente nas relacións a través das novas tecnoloxías (redes sociais e demais…) e que ten un compoñente de fallo neurofisiolóxico no córtex orbifrontal.

Este dato é un feito e estase estudando na actualidade, é o “Online Disinhibiton Effect”, unha licenza para ser soez; o psicólogo social Jonh Suler especifica as razóns:

As razóns do efecto “desinhibición”.

• O anonimato. Cando as persoas teñen a oportunidade de desvincular a súa conduta no chat  do “mundo real” e da súa identidade, senten máis dispostos a abrirse e máis protexidos. Digan o que digan, non van ter que responsabilizarse por iso nin se relacionará co resto da súa vida. Prodúcese así unha “disociación”.
• A invisibilidade. Esta característica da sociedade virtual permite a todos introducirse en lugares e facer cousas que doutro xeito non serían capaces. Non existe a inquietude sobre o aspecto persoal e a voz nin hai que  controlar a expresión da cara. Isto pode simular a postura dun psicoanalista que senta de modo que o paciente non poida observalo nin observar as súas reaccións. Deste xeito este sente capaz de revelar sen inhibicións os seus sentimentos e inquietudes máis íntimas.
• Asincronía ou reacción retardada. A comunicación en foros e mails é asincrónica. É dicir, non se realiza en tempo real. Este feito pode compararse a unha situación na que se di algo demasiado íntimo ou demasiado hostíl e sáese correndo para eludir unha resposta inmediata.
• Vemos o que queremos ver. A ausencia de sinais non verbais xuntamente co texto produce curiosos efectos. Asignamos características ao outro de acordo coas nosas expectativas, desexos e necesidades. A interacción faise fluída e desinhibida porque construímos na nosa mente ao noso interlocutor, polo que este termina sendo nosa propia creación.
• A nivelación do status. As relacións virtuais nivélanse en poder. Desaparece a figura ascendente ou de autoridade e establécense relacións igualitarias, de compañeirismo. Por esa razón, ninguén se cohíbe ao facer afirmacións transgresoras ou comportarse mal.

Coido que moitos/as as veces vemos o anel de Giges nisto da rede; será mellor, alomenos, poñer emoticonos ou darlle unha pensada máis ao escrito antes de premer o botón enviar.

Ou utilizar máis o botón descartar!!!.