EDIGA

Xa dispoñemos da primeira PINBAC (PAntalla de Baixo Custo) galega, e dun primeiro “dosier ” que explica dun xeito moi sinxelo o seu funcionamento acompañado dun pequeno vídeo para comparar o seu grao de perfeccionamento con respecto aos demais sistemas e experiencias coñecidas.

O custo é moi axustado para un prototipo (+/- 150 €) e sen dúbida algunha a súa dependencia do Wiimote ( o mando e regreta da Wii como tal) é temporal ata que sexa posible a súa produción en serie (cos mandos e regretas propios).

Nun futuro inmediato (setembro ou outubro deste ano 2008) presentaremos en directo o seu funcionamento para aqueles mestres e centros interesados en coñecelo e experimentalo en vivo. Nesta ocasión desexamos contar coas opinións positivas e negativas, ao tempo que poderedes preguntarlle aos técnicos do Instituto Tecnolóxico tódolos aspectos e pormenores do software e hardware empregados no sistema e das posibilidades de produción e mellora do mesmo.

VIDEO

DOSSIER

Grazas pola vosa atención e polo voso tempo.

Achégovos unha experiencia formidable sobre o uso dunha tableta dixital sen fíos:

Máis información: http://pequesreboreda.wordpress.com/

Hola, somos Dolo , María e Gela do C.R.A de Teo. Nos levamos o quinto premio polo traballo titulado “A escola dos avós”.

Estamos moi contentas polo que supón non so de motivación para nós, senón para todo o Equipo de Normalización Linguística do Centro que foi de onde partíu a idea.

O que non agardabamos é que o traballo tívese tan boa acollida polo resto da comunidade educativa: pais,cativ@s,ampa,concello…e outros organismos externos como Cefore e Mupega.

Tanto é así que tentamos facer o remate do curso unha exposición co material donado por todos eles dos seus anos mozos e que é unha verdadera xoia.

Foi moi bonito ver a interacción educativa que se deu entre avos e nenos e se segue a dar pois o proxecto aínda non rematou.

Gracias a Ediga.

Gracias a todos vos Comunidade educativa do CRA de Teo que o fixestedes posible.

Ver Actividade. 5º Premio - CEIP A RAMALLOSA: “A escola dos avós”

Son Susana Viqueira, o meu traballo “IGUAIS NA DIFERENZA;O SPC NA AULA ORDINARIA CO EDI” xurde a raiz de ter un neno na miña aula con NEAE, non ten linguaxe oral “de momento” e tiñamos que darlle un xeito de poder comunicarse cos demais, o sistema SPC ( sistema pictográfico de comunicación ) pareceunos o que mellor se adaptaba ás súas características, pero non só tiña que coñecer este sistema él , sinon todo o grupo aula, así que de xeito moi lúdico introducinno na aula, a asamblea foi un bo momento, as hipótesis sobre o que significaban diferentes simbolos deulle pé o grupo aula para comenzar a coñecelos .

O traballo elaborado :

Lectoescritura- Un abecedario donde se parte da letra, logo asóciase cada letra coa imaxe dun animal real e o seu igal no sistema SPC , as pantallas seguintes son actividades de lectoescritura,grafomotricidade…etc.

Lóxica-matemática: Traballo conceptos como lonxe -preto, moito-pouco,cheo -baleiro…etc, o conteo, series,agrupacións co diferentes elementos….

Os animais: Tema que motiva especialmente o cativo con NEAE , a través de él traballo ademáis dos nomes , onomatopeias…etc tamén a lóxica matemática e a lectoescritura

Os alimentos: Sobre todo a hora da merenda facilitame traballar este tema, xa que debe identificar o que trae para merendar e buscar as imaxes que o representan, estamos comenzando a elaborar pequenas frases, do tipo….. Brais quere comer galletas utilizando só as imaxes.

O Esquema corporal: fundamental para todos os cativos nestas idades , imaxes pictográficas coas que debe compoñer caras , corpos…asociar vestimenta con diferentes partes do corpo…etc

As persoaxes do castelo: Este curso estamos a traballar con este proxecto ” O meu cole o meu castelo” esto creame a necesidade de crear diferentes actividades relacionadas con esta temática co SPC, aínda que hai moi poucas.

Vantaxes obtidas: Moitas, o EDI é unha ferramenta que consigue centrar a atención dos cativos, motivadora , o pequeno con neae ten problemas a hora de manexar o rato do PC e isto créalle frustración xa que a axuda é constante, mentras que no edi a súa autonomía poténciase , pode mover os elemnetos sin medo , escribir, borrar, non hai límite de manipulación para él.

As expectativas son segui r elaborando materiaís para poder ir axudándolle a comunicarse e establecer relacions significativas cos demais, que interactúe co mundo de xeito activo, amosando os seus intereses e desexos de xeito autónomo a través do SPC e que o seu grupo lle poida entender, así como os demáis membros da comunidade escolar.

Queda moitísimo traballo por facer, pero penso que estamos no bo camiño, él esforzase moito e pouco a pouco ímolo conseguir :).

Ver actividade 2º Premio - CEIP STO PAIO ABAIXO: “Iguais na diferenza”

A nosa compañeira Bea (CEIP Ponte dos Brozos) comparte con nós os recursos, experiencias e materiais traballados na súa aula grazas á súa nova bitácora “Xogamos a aprender. A Bitácora dos Pulpis”, na que alumnos/as de 5 anos traballan co EDI e a rede dun xeito “natural”.

Grazas !!!

Hola a todos! Son Nuria do Ceip Igrexa-Chapela, o meu traballo “Picasso no EDI:¿Quen move o pincel?“, xurde dentro do Grupo Sementeira a raíz dun proxecto que unha compañeira do grupo ( Patricia ), está facendo sobre Miró, o que nos da a idea de realizar un proxecto común sobre arte.

A experiencia co EDI foi algo totalmente novedoso, tanto para os rapaces como para min. E as aportacións foron moitas: motivación, autonomía, aumento da participación e interese…O Proxecto está dividido en diferentes partes tratando de abarcar de maneira globalizada diferentes aspectos da obra e vida de Picasso coa finalidade de acercar os nenos e nenas o mundo do arte.

Os bloques sería: A súa biografía, as suás obras, e os seus periodos basicamente. Presentando dende actividades de grafomotricidade, L-E, debuxo libre ou dirixido, lóxica matemática, plástica posto que no proxecto tamén se plantezan tarefas sen o EDi.

Todo o proxecto pretende aunar todas as posibilidades do EDI: incluindo actividades individuais e grupais, con son e video, autoavaliativas e de conclusión.

As futuras liñas de actuación son seguir a fedellar, aprender e investigar, husmeando nos vosos recursos e experiencias, coa finalidade de alcanzar mellores resultados nas aulas, ou polo menos mais gratificantes.

Espero que vos guste, e non quero deixar de aproveitar a ocasión para pedir disculpas polo meu mal reparto do tempo e polo roubo de tempo os demais compañeiros durante a exposición ( os nervios as veces xogan malas pasadas!) DISCULPAS A TODOS! e ademais, agradecer a EDIGa este recoñecemento, e felicitar o resto de compañeiros premiados ou non, pois a min, persoalamente todos os traballos presentados pareceronme dignos de admirar. Felicitacións para todos.

Gracias e bicos, achégovos o meu traballo, espero os vosos comentarios .

Ver actividade: 4º Premio - CEIP IGREXA: “Picasso no EDI ¿Quen move o pincel?”

Son Mar, do CRA Ponte da Pedra de Carballo. Tiven a sorte de ser premiada cunha invitación ao BETT 2009, e xa me tarda irme co grupiño de EDIGA a asombrarme co que alí se expón.

O traballo presentado ten como obxectivo traballar as Rutinas en Educación Infantil a través da PDI e utilizando como software o Notebook. Teño pendiente subilo ao xestor de EDIGA, pero vai ser dificil que o faga antes do fin de semana.

Fágovos un resumo do que se pode traballar co recurso:

- As estacións, os cambios climáticos e a súa influencia nos elementos do entorno.
- O saúdo: desenvolvemento dos hábitos e convencións sociais.
- A data: os días da semana, os meses do ano,…
- Conmemoración grupal e social dos aniversarios dos compañeiros/as.
- Organización temporal da xornada: o horario.
- Autorregulación do traballo do alumnado

Actualmente estase a usar nunha das escolas e foi moi ben acollido polos os rapaces/as.

Saúdos.

^{Ver actividade: Premio Especial- CRA PONTE DE PEDRA: “Rutinas en EI” .}

^{Ver documentación: MEMORIA}

Ao fío do anterior artigo, e dentro do mesmo proxecto sobre “Saúde Dixital. Saúde Laredo”, exploramos as posibilidades dunha infravalorada webcam nos nosos centros educativos (ver “Lector Documentos Lowcost”), sen WIIs nin PS2 utilizamos recursos da rede para interactuar e xogar coas Novas Tecnoloxías tendo como referente un eido fundamental o lúdico e o social, somentes cunha webcam!!!.

Para mostra, un vídeo, que as veces se fala se fala do que se fai pero non se amosa :

Recursos utilizados:

<sup>- De orfebrería tecnolóxica e para NEE da man do noso Compañeiro J. Fonoll:  Xtec Fonoll
- Para Educ. Infantil: Kukakumma
- Para Educ. Primaria C.I y C.II: Camgoo
- Para Educ. Primaria C.III e ESO: Ovo The game
- Para os exploradores: Webcam games
- Outras maneiras de usar a webcam: Mando, Headev…</sup>

Xa contaredes doutras propostas!!!

Vexo nunha das miñas bítaras favoritas, un video que  coido que é espello nos centos educativos: necesidade de liderazgo organizativo, implicación, formación…todo da man dunha comunidade de docentes “Los Quemaos” .

Tiña esquecido este video feito ao comezo do curso sobre o uso da tableta dixitalizadora, non tablet PC, que pode potenciar moi e moito a utilización do ED (Encerado Dixital) non (Encerado Dixital Interactivo).

“Pizarrita Máxica” chámanlle algúns; o símil o propón un neno de 7 anos ao comentarlle a outro que era e para que servía:

“É coma si escribirás co xiz na túa mesa e escribiras no encerado ao mesmo tempo sen ter que levantarte!!!”

As posibilidades da tableta son moitas así como a utilización de calquer soporte inhalámbrico (rato e teclado) nas nosas aulas que permiten deslocalizar o uso das NNTT e fomentar unha utilización social dos aparellos.